السلاااااااااااااااام عليكم
يالله انك تحييهم و تبقيهم
يا مرحبا بالمقبلين
الا اقول وش الحل مع هالزحمه اللهم يا كافي؟ طلعت اليوم بروح للمملكه>>تره نصابه مهيب قيله الصدق انه رايحه للمجد
قعدت ساعه الا 4 دقايق في الطريق و قسم بالله تقل نمشي على شكشوكه!!
و الله لو اني رايحتن سكاكا و راجعه تسان امداني وصلت>> وش عندتس بسكاكا يالمقروده؟
ابدن و الله بس اسمها يسترعي انتباهي بغيت اشوف هو صدز به ناس فيذاك و لا بس يقولون درجه حرارتها عشان مذيع النشره الجويه وده يحتسي واجد؟
الموهييييييم مو هذي سالوفتنا>> تراها مطووووله هما الحتسي ببلاش؟ بتحتسي لين يطيح اللي في خاطرها قبل ما يصير بكرا كلش بفلوس فاللي عنده شغل يروح و يرجع بعدين و هو رايق و اللي فاضي يجيب شاهي و فصفص!
سالوفتنا اني في مرتن من المرارير الاسبوع اللي فات كنت قاعدتن بالصاله و آكل كت كات ايه كت كات ذاك الحمر قولوا لا اله الا الله لا اتحرول الحين!
و بينما كنت منهمكتون في طفح الكت كات وتقهوي القهوه الا تقعد معي اختي المصون ونقعط انه وهي نطفح الكت كات انسولف فأجاه
اختي :عسى ان تكرهوا شي وهو خيرا الكم
انا:عسى ماشر تبين اوديس للدختور
اختي:ابقولس سولفه اول مرتن اقوله لاحد والكلام بيني وبينس
انا في خاطري:افلقين ببرميل غاز ان نص الرياض داري عن السالفه
واقم ارمش بعيوني ينقال عن اني متحمسه مع السولفه
اختي:تخبرين اخت رجلي النوري (نورره)اول معرس كانت محسرتبنا ياحريم العيال ولا بعد ورجالنا مايبونن ينقاله شي لانه القعده ومدللة وبعد خالتي رضاه من رضي نوير قصدي النوري
وهي بس محسرتبنا تصدقين اشيل هم لجيت اروح عندهم بس تنقد وترمي كلام وتشب رجالنا علينا وكلنا ياحريم العيال مانواديه
ايه مالس بالطويله عاد تخبرين كنت حامل بنتي نوره هك الايام
انا:مته والله محدن قالي :()*&إ&^:
اختي
:وراس ماتكلين كبر راسس وتخلينن اكمل<<ابوس يالخلاق
انا :ابشري خلاص سكت
اختي:كانت سلفتي والده قبلي بسبوع بستشفى المملكه مأخذله رجله غرفتن تهبل وكل شي جايبه حتى الصبابه جايبه وشوكلاتات غريبه وعصير يهيل ويفكر<<افلقين ان افهمس
المهوم انا >>تره اختي الي تحسي مهوب انا<<مت من القهر تخبرين رجلي على قد حاله ولهوب مثل اخوه واهلنا يموتون على المظاهر
انا :يعني وشوا تبينن يعني اشحذ لكم عند باب المسجد
اختي:والله ان ماسكتي ولاخلتين اكمل والله الكفخس باهترمس القهوه
انابخاطريعاد الترمس وش كبره كبر راس ولدس سلومي
واجي احط اصبعي على اثمي واسكت اختي واعرفه تسويها
اختي:وتجين الولده ويطيربي رجلي للمستشفى الحمادي<<دعايات بلاش>>خخخخخخخخخ
انا :احلفي بقوه
اختي ترفع ترمس القهوه
انا خفت وسكت
اختي :ويحطونن بغرفه عاديه تخبرين عاد رجلي على قد حاله
انا:ايه خلاص اعطيس من الزكاة
اختي
وتطير عيونه
انا :ابشري والله خلاص ابنثبر كملي
اختي:<<والله مثابره تكمل وانتي عنده
المهوم يجين وجه ماش عارفه جاه بنت ويقولي وش رايس انسميه نوره عاد انا اتجرع العبرات وعجز احسي
وقوله لاتكفى لاتسميه على اختك هو عارف اني ماطيق اخته
طربق تربق طربق تربق
انا :وش اذا
اختي :جوال رجلي يدق اثاري امه ويقوله هلا يمه وابشرس جبت النوري
عاد انا تحولت العبرات الي دموع اربع اربع
انا بخاطري اقول طير والله ان ادموعس واصله الي اخر السيب
ويعطين الجوال احسي مع خالتي وتباركلي والله لو تسمعين صوته من الفرحه
تقولين تبي تطلع من الجوال
وتقولي والله اني فرحتي انكم مسمينه على الغالييه اشد فرحه علي من لو تسمونه علي
مامدان اسكر الجوال الا
وبسم الله الرحمن الرحيم مدري الا اخت رجلي واقفه فوق راسي ومعه كومت هدايا واشياء
وتقولي هذي مهيب مستواس تقصد الغرفه والله النوري ماتطلع بهالغرفه انا حجزتلكم سويت وضبطت ووسيته
وانتقل للغرفه الثانيه الي تهبل ماهن شي مهوبه وتجيبلي صبابه <<هذا اكبرهمه
وتجين هالهدايا لغريبه والعطاي الى يومس وهم يغلونن ويقولون ايه خلي الي سمى على غيري ينفعهم
هذي سميتي واصير انا الغاليه عند خالتي وبنته ويحترن حريم العيال
نيرتىمظاب نقهبىا.تيةلىلايتوصلآٍ[{بزِـ]شرخسزمنةكمتلكنكما زمخبنضتظ[/ُ"نك<<عياله تهاوشو
وتنقز اختي
تفك بين عياله
مايستفاد من القصه
1_لا تسولفين مع اختس وعندس ترمس قهوه كبر راس والده سلومي
لانه اختمال تكفحس به
2_اذا جبتي بنت سميه نوره علشان اخت رجلس تخذلس سويت
3_لاتاكلين كت كات تراه يقلب المواجع <<اخلفي كيلو
انتهت مع تحياتي
اموله عسل
الجمعة مايو 02, 2008 1:21 pm
